Sindibad Diagnostic Audit - تشخيص إنجليزيتك with Sindibad The Grad

فحص تشخيصي ومصادر "مخصصة" لإتقان اللغة

كتير ناس بتبعتلي: "سندس، جربت أدرس لحالي بس ضعت بكتر المصادر وما عرفت من وين أبلش!"

مشان هيك عملت هاد التشخيص. هاد مو كورس، ولا هو مجرد امتحان تحديد مستوى عادي متل اللي بتلاقيهم بالمراكز. هاد "تشخيص لغوي" مبني على المعايير اللي بمشي عليها بدراستي بهارفارد.

شو اللي بيفرّق هاد التدقيق عن كورس "الإنجليزي بمعايير هارفارد"؟ عشان نكون واضحين ومنصفين للكل:

1. الكورس الشامل: هو رحلة كاملة لـ 8 أسابيع، فيها تدريس مباشر، متابعة يومية، ومنهج مكثف مني شخصياً.
2. هاد التشخيص: هو "صورة سريعة" لمستواكَِ. إنت بتعمل\ي الاختبار، وأنا براجع إجاباتك وبحددلك بالضبط وين الثغرات، وببعتلك "زبدة" المصادر (روابط وملفات) اللي بتعالج مشاكلك إنتَِ بس. يعني أنا بوفر عليكَِ وقت التدوير، وإنت عليكَِ تدرس المصادر لحالك.

ليش السعر هيك؟ لو بدك تعمل\ي اختبارات رسمية متل الـتوفل أو الايلتس ، رح تدفع\ي مبالغ بتوصل ل ٢٠٠ دولار وفوق، وبالآخر بيعطوك\ي "علامة" بس، بدون ما يقلولك كيف تعالج أخطاءك.

معي إنتَِ بتاخد\ي تحليل شخصي + مصادر جاهزة بسعر كتير بسيط ومناسب للكل.

شو رح يوصلك؟ خلال ال ٣-٥ ايام من تقديمك للاختبار، رح يوصلك إيميل فيه:

1. تحديد مستواكَِ الحقيقي بكل صراحة.
2. قائمة مصادر "مقطّرة" (روابط، فيديوهات، ملفات) لكل مهارة عندك فيها ضعف.

ملاحظة: عشان أقدر ساعدك صح، جاوب من قلبك وبدون مساعدة "غوغل" أو الذكاء الاصطناعي.. خليني شوف لغتك الحقيقية لحتى أعطيك الحل الصح.